ფილმის სიუჟეტი:

ჩენ ქსიაომენგი თეატრის მსახიობია, რომელსაც საკმაოდ რთული ცხოვრება აქვს. მისი კარიერა ინგრევა , მისი რომანტიკული ცხოვრება საკმაოდ დეპრესიულია , თავის მოკვლის ძალები კი არ შესწევს. სანამ თვითმკვლელობას კიდევ ცდის , გადაწყვეტს , რომ ადგილობრივ აბანოს ესტუმროს და ღირსეულად მოკვდეს. აბანოში შემთხვევით საპონზე ფეხი აუცურდება , წაიქცევა და კომაში ჩავარდება. მისი გონება კი დაქირავებული მკვლელის სხეულში გადავა. ის ვალდებულია მკვლელისთვის დაკისრებული მისია შეასრულოს. ნამდვილი მკვლელის გონება კი კომაში მყოფ ქსიაომენგის სხეულში გადავა და საავადმყოფოს პალატაში გაიღვიძებს. მკვლელს არაფერი ახსოვს , მას ჰგონია , რომ წარუმატებელი მსახიობია , ყველაფრის გახსენებაში კი მარტოხელა დედა ლი ქსიანგი ეხმარება. ის ცდილობს მსახიობის კარიერა გააგრძელოს და ყველაფერი კარგად მიმდინარეობს , თუმცა უეცრად მკვლელი თავის მეხსიერებას დაიბრუნებს , რაც ყველაფერს შეცვლის.